కంటేనే అమ్మ అని అంటే ఎలా
కరుణించే ప్రతి దేవత అమ్మే కదా కన్న అమ్మే కదా
కంటేనే అమ్మ అని అంటే ఎలా
కడుపు తీపి లేని అమ్మ బొమ్మే కదా రాతి బొమ్మే కదా

కణకణలాడే ఎండకు శిరసు మాడినా
మనకు తల నీడను అందించే చెట్టే అమ్మ
చారేడు నీళ్ళైన తాను దాచుకోక
జగతికి సర్వస్వం అర్పించే మబ్బే అమ్మ
ఆ అమ్మలనే మించిన మా అమ్మకు
ఋణం తీర్చుకోలేను ఏ జన్మకు

ఎన్నో అంతస్తులుగా ఎదిగిపోయినా
మేడకున్న అసలు ఉనికి ఆ పునాది పైనే
సిరుల ఝల్లులో నిత్యం పరవసించినా
మగువ జీవన సాఫల్యం మాతృత్వంలోనే
ప్రతి తల్లికి మమకారం పరమార్ధం
మదిలేని అహంకారం వ్యర్ధం వ్యర్ధం

కరుణించే ప్రతి దేవత అమ్మే కదా
కడుపు తీపి లేని అమ్మ బొమ్మే కదా రాతి బొమ్మే కదా