మెల్లగా మెల్లగా తట్టి మేలుకో మేలుకోమంటు తూరుపు వెచ్చగా చేరంగా
సందె సూర్యుడే సూటిగా వచ్చి చిలిపిగా చెంపనే గిచ్చి తలపుల తలుపులు తియ్యంగా
ఎగిరే పావురం తీరుగా మనసే అంబరం చేరగా కల మేలుకున్నది ఇలనేలుతున్నది
మెల్లగా మెల్లగా తట్టి మేలుకో మేలుకోమంటు తూరుపు వెచ్చగా చేరంగా

చిక్ చిక్ చిక్ చిక్ చిటి పొటి పిచ్చుకా చిత్రంగా ఎగిరే రెక్కలు ఎవరిచ్చారు
పట్ పట్ పట్ పట్ పరుగుల సీతాకోక పదహారు వన్నెలు నీకు ఎవరిచ్చారు
చిన్ని చిన్ని రేకుల పూలన్ని ఆడుకుందాం రమ్మన్నాయి తలలూపి
కొమ్మ మీది కోయిలమ్మ నన్ను చూసి పాడుతోంది గొంతు కాస్త శృతి చేసి
మధుమాసమై ఉంటే ఎద సంతోషమే కదా సదా అమ్మమ్మా ఆ
మబ్బుల తలుపులున్న వాకిలి తీసి రమ్మంటోంది నింగి లోగిలి
మెల్లగా మెల్లగా తట్టి మేలుకో మేలుకోమంటు తూరుపు వెచ్చగా చేరంగా

తుల్ తుల్ తుల్ తుల్ తుల్లే ఉడత మెరుపల్లే ఉరికే వేగం ఎవరిచ్చారు
ఝల్ ఝల్ ఝల్ ఝాల్ పారే ఏరా ఎవరమ్మా నీకీ రాగం నేర్పించారు
కొండతల్లి కోనకిచ్చు పాలేమో ఉరుకుల పరుగుల జలపాతం
వాగు మొత్తం తాగేదాక తగ్గదేమో ఆశగా ఎగిరే పిట్ట దాహం
మధుమాసమై ఉంటే ఎద సంతోషమే కదా సదా అమ్మమ్మా ఆ
మబ్బుల తలుపులున్న వాకిలి తీసి రమ్మంటూంది నింగి లోగిలి

మెల్లగా మెల్లగా తట్టి మేలుకో మేలుకోమంటు తూరుపు వెచ్చగా చేరంగా
సందె సూర్యుడే సూటిగా వచ్చి చిలిపిగా చెంపనే గిచ్చి తలపుల తలుపులు తియ్యంగా
ఎగిరే పావురం తీరుగా మనసే అంబరం చేరగా కల మేలుకున్నది ఇల నేలుతున్నది